Striping tape neglur

Ég elska striping tape, það er hægt að nota þetta örþunna glimmerlímband á svo ótal marga vegu.
Í þessu tilfelli notaði ég til þess að búa til 3 þríhyrninga á neglurnar og lakkaði svo inn í með mismunandi litum.

Ég fékk striping tape-ið hjá Zebra á laugaveginum og rúllan kostar ekki nema 95,- kr og hægt er að fá þær í fullt af litum!

Ég byrja á því að lakka nöglina hvíta (ég þarf að lakka tvær umferðir til að fá fallegan og jafnan lit). Eftir að hvíti er alveg þornaður lími ég tvær rendur af límbandinu í X á puttana og vel mér svo liti sem mér finnst tóna vel saman.
Á litla putta valdi ég 2 coral tóna,
á baugfingur 2 bleika tóna,
á löngutöng 2 grænbláa tóna
og á vísifingur 2 fjólubláa tóna.

Ég lakkaði dekksta litinn í þríhyrninginn næst naglabandinu og ljósari tóninn á hliðunum. Ég komst að því að það er best að taka límbandið af nöglinni meðan lakkið er enn blautt.
Næst skellti ég bara top-coat-i yfir og þá er allt ready!

Svo er auðvitað um að gera að nota þína uppáhaldsliti eða litasamsetningu!

Hvet ykkur til að renna við í Zebra á Laugavegi og kíkja á allt vöruúrvalið sem er í boði fyrir okkur sem elskum að skreyta neglur!
Kem klárlega til með að nota striping tape í fleiri skreytingar  og sína ykkur afraksturinn.

XO
-Freyja

Aldrei að vita nema það sé leikur í gangi á einhverri af þessum síðum 😉 (hint hint)
Um að gera að renna við á facebooksíðunni hér
eða instagram síðunni hér